Кісі туралы ✍️

Ілмек бойынша іздеу:

Кісідегінің
Кілті аспанда.

Кісі қатесіз болмас,
Көл бақасыз болмас.

Болған кісі, болдым демес,
Болдым десе, болғаны емес.

Ай толғанын білмес,
Жігіт болғанын білмес.

Қатты жауған күн
Тез ашылады,
Қатты ашуланған кісі
Тез басылады.

Бұрынғының кісісі —
Бүгінгінің кішісі.

Сөйлей білмеген кісіден,
Үре білген ит артық.

«Арық» деген жаман тай
Жазға шықса ат болар,
Жамандығың сезілсе
Жақын кісің жат болар.

Жақсы кісі қартайса да,
Ақылынан танбас,
Жақсы ат қартайса да,
Жүрісінен танбас.

Кісінің кісілігі,
Киімінде емес, білімінде.

Бір кісі мың кісіге олжа салар.

От жағылмаған үй — қора,
Кісі келмеген үй — мола.

Екі кісі ығысса,
Бір кісілік орын бар.

Кісі елінде сұлтан болғанша,
Өз еліңде ұлтан бол.