Өлеңдер ✍️

Әлі талай өмір бар мен өлгенше,
Мүлгіген бір мүрдеме шөп өнгенше
Әлі талай өмір бар ақыретте,
Ай менен күн ақыры теңелгенше.
Мен де өлермін бір күні өлең де өлсе.
Өмірді де жөндеп бір сүре алмаппыз
Өлең, өлең деп жүріп өле-өлгенше.
Кейіп өткен көңіл-ай барлығына,
Кер заманға тап болған кемеңгерше
Қаралы күн әлі алыс біз өлгендей
Кейіп өттік тағдырдың тарлығына,
Кәрі әйелге үйленген әмеңгерше.
Қаралы күн әлі алыс біз өлгендей,
Иесі өліп күреңім күзелгендей,
Көп сөйлемей көп ұққан адам көрсем
Жүрегімнің жүрісі түзелгендей.