Өлеңдер ✍️

Қызылорда қаласы әкімі Нұрлыбек Мәшбекұлына
Жұртыңа бұрып бүйрегің,
Үміттің шоғын үрледің.
Кенжелеп қалған бар істі
Екпіндеп өрге сүйредің.
Өжеттігіңе жетер кім?!
Өткізбей текке бекер күн,
Шиелінің ашып шырайын,
Шоқтығын биік көтердің.
Дем берер елге өте көп,
Кеудеңде жанған от ерек.
Астанаға дейін жеткіздің,
Нартай әндерін жетелеп.
Жігерлі жас ең арынды,
Жұртыңа болдың жағымды.
Отызыңда орда бұзатын,
Алашқа атың танылды.
Суырылып шығып ортаңнан,
Өзгеше болды қолтаңбаң...
Жаңашыл әкім сен едің,
Атойлап тыңнан жол салған.
Әкімісің енді қаланың,
Қайырлы болсын қадамың!
Ескеріп заман талабын,
Еліңді көркейт, қарағым!