Өлеңдер ✍️

Күз келді сұрғылт атырап, маңай
Қараша тірлік қапталымда тұр.
Сарғайған бейбақ жапырақтар-ай
Табан астында тапталып жатыр.
Көктем-ай керім, сайыңнан белге
Көшуші еді оны қақыратты оңай.
Жапырақтар-ай жайылған жерге
Мұңыма менің татымақ талай.
Солғындау тартты қапыда реңі
Мезгілдің қатал ызбары буып.
Мұңайып жатқан жапырақ еді.
Әкетті күздің ызғары қуып.
Әуені күздің әнге ұласты ауыр,
Жапырақ біткен жайрап, маталып.
Қағынып жүрген қаңғыбас дауыл,
Қаңғытар екен қай жаққа апарып?..