Өлеңдер ✍️

(ән сөзі)
Сағындым, Алмалысай, шатқалыңды,
Сағындым арайланған ақ таңыңды.
Аяулым, білесің бе, білмейсің бе?
Сені ойлап сары белде жатқанымды.
Сағындым, Алмалысай, шуағыңды,
Сағындым тұнық тұма бұлағыңды.
Төгілген шалғыныңа меруерттей,
Арнаймын бір өзіңе жыр-әнімді.
Сағындым, Алмалысай, тобылғыңды,
Толқытқан көк теңіздей көңілімді.

Па шіркін, ақ желкенді армандар-ай,
Жанымды сағынышқа шомылдырды.
Алмалысай, Алмалысай,
Артымда алыс-алыс қалғаның-ай.