Өлеңдер ✍️
  12.09.2022
  103

Автор: Қыңырбек Қамашұлы

Жаныма жақын кел, сәулем

Жібектей шашың желбіреп,
Қызыл гүл ернің үлбіреп.
Қасқая маған қарашы,
Қарақат көзің мөлдіреп.
Қаламдай қасың сызылып,
Құмырсқа белің үзіліп.
Наздана қарап күлші бір,
Маржандай тісің тізіліп.
Мінезің жұмсақ жібектен,
Кетпестей болдың жүректен.
Түсімде көріп, өңімде,
Қараймын жақсы тілекпен.
Тұра ма мәңгі бал-дәурен.
Өтем бе, жырды арнаумен.
Жандыра бермей жүректі,
Жаныма жақын кел, сәулем.


  Қыңырбек Қамашұлы өлеңдері Қыңырбек Қамашұлы

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Сыныптасқа ᐈ
  Кел жылым! ᐈ
  Дәрігерлерге ᐈ
  Көктем әсері ᐈ
  Ұстаздарға ᐈ

Пікір жазу