Өлеңдер ✍️

М. Мақатаевқа
Басымда мынау
жатқандай бейне тас қайнап -
Мен бар ғой Аға, өткердім өмір босқа ойнап,
Италияның тамаша ақыны Тассодай,
Жүрмеспіз, бәлкім, бір мезгіл ішер асты
ойлап...
Өмір дейді ғой
Өмір деп осыны айта ма?!
Адасып жүрсем ақылыңды маған айт, Аға!
Өмірім көңілсіз,
Заман да жетісіп тұрған жоқ,
Жетісіп тұрса -
Қайтпаған бетім... қайта ма?!
Рухыңыз Сіздің
төсектен алды тұрғызып -
Оңаша қалып өлең жазудың өзі бір қызық...
Қай жаққа бастап барасыз мені
Жан Аға,
Таулармен биік, аспанға қарай жүргізіп...