Өлеңдер ✍️
  06.09.2022
  101

Автор: Сәруар Қамаева

КІМСІҢ, СЕН, АЙТШЫ...

Сезімдер сізге жосылған,
Сездіре алмай тосылғам.
Кездескен маған тосыннан,
Кімсің сен, айтшы, тосын жан.
Табылмай жауап сұраққа,
Түседі санам сынаққа.
Жадау ойлар жаныма
Маза бермейді бірақ та.
Ағылған жырлар жосыннан,
Атқылап жүрек басылған.
Бейкүнә бейнең бейуақ
Кетпей де қойған қасымнан.
Жадылап жанды қоймадың,
Сезімге терең бойладым.
Жарқ ете қалдың жасындай
Жүргенде кезіп ой бағын.


  Сәруар Қамаева Сәруар Қамаева өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  КӨКТЕМ ЛЕБІ ᐈ
  ЖЫРЫМНЫҢ ЖАСЫН ЖАРЫҒЫ ᐈ
  ӨЗІҢЕ ҚАРАЙ АСЫҒАМ... ᐈ
  ІШТЕГІ СЫРДЫ АҚТАРАМ ᐈ
  ОҢАША ҚАЛҒАНДА МЕН... ᐈ

Пікір жазу