Өлеңдер ✍️
  31.08.2022
  369

Автор: Ұлықбек Есдәулет

Жаным-ау, қандай ғажап жымиысың!

Жаным-ау, қандай ғажап жымиысың!
Cан алғыс саған осы сыйың үшін.
Қараңғы көңілімде шам жанғандай,
Кеудеме толтырғандай гүл иісін.
Жаным-ау, қандай ғажап жымиысың!
Жаралған жан екенсің сүю үшін.
Өзектен өшіп кетті өкінішім,
Көңілден көшіп кетті күйінішім.
Жаным-ау, қандай ғажап жымиысың!..
Тағдырдың тосын тартқан сыйымысың?
Жалғанды тәрк етсем бе,
Жанарыңның
Жарқ етіп бір қараған қиығы үшін!?.


  жымию Ұлықбек Есдәулет өлеңдері Ұлықбек Есдәулет

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  Шұңқыр ᐈ
  Ай, Перизат ᐈ
  Көк бөрінің рухы ᐈ
  Қадыр өтті... ᐈ
  Тамшы ᐈ

Пікір жазу