Өлеңдер ✍️

Атақоныс Күнгей мен Теріскейім,
Тыныс ашар самалмен желістейін.
Қарт Қаратау тәкаппар Құлжасындай,
Көк жонында көсеге өрістейін.
Атақоныс бақ қонған Ордабасым,
Ынтымақ пен ырысты кәрі-жасың.
Төле, Қазыбек, Әйтеке бәтуасы,
Дөңгелеткен биікте өрде тасың.
Таскөмірсай , Алтынтау, Қызылкөлім,
Ел деп туған ұлтжанды біз бір төлің.
Қарабұлақ, Көкалаң, Басбұлақта,
Шөл қандырған демін ап, қалың елім.
Таңбалытас, Қостұра ғажап едің,
Дәстүріне бабалар сай түлегің.
Домалақ ана, Ақмешіт, Қызәулие,
Тылсымымен әйгілі Бәйдібегім.