Өлеңдер ✍️

Уанбас ұлтыңды көріп,
Ағаң жұлқынды келіп,
Сілкінді келіп,
Бір түрлі болып...
Жырқылды көріп жымысқы,
Зіркілді көріп,
Кетермін мен де келмеске, сыртымды беріп...
Қиядан қарам көрінсе қаны қарайған
Қырттарым сонда мәз болсын – қырқымды беріп!
Жырымды көріп жым болған,
Жынымды көріп,
Сайдағы, ойда, қырдағы жырынды келіп, --
Бас қосып ішіп, басына көтерсін көкті,
Жығылып жатсын мас болып – жылымды беріп!
Мынау жер – соның сайрандар тулақ мекені,
Тулақты сабап тұқымы шулап кетеді.
Аспанда жүрген ағаңды көрмейді-ай олар,
Қурап кетеді-ау, сүйегі... қурап кетеді