Өлеңдер ✍️

Балалық кеп сенің, менің еркімді,
Алған кезде, қайдан құйын жел тұрды?
Сенде де бір, менде де бір періште,
Бар еді. Оны қандай пері өлтірді?!
Бір кездері періште едік.
Тұнық бір –
Бұлақ едік.
Соның бәрі ұмыт – тұл.
Өмір дейтін мыстан кемпір, о, сұмдық,
Бізге қарап ыржалаңдап күліп тұр!
Балалықтан емес екен түк те әсем.
Әлди... соны түсіңде көр – ұйықта сен:
Мыстан кемпір қарсы аларын білгенде
Ақжарықтан адым аттап шықпас ем.