Өлеңдер ✍️

Тарзанды бəрі де мақтайтын,
Өйткені ол ешкімді қаппайтын.
Жат пиғыл бейтаныс келгенде,
Қыңсылап,
түк тыным таппайтын.
Ауланы күзетіп жүретін,
Кісінің пиғылын білетін.
Келгенде қауіпті пенделер,
«Сақ болғын!» дегендей үретін.
Қазына еді ғой – ол нағыз,
Шындық қой бұл сөзім, жалғансыз.
Екі үйдің арасын жол қылды,
Қалмасын дегендей қорғансыз.

Мақтайтын бəрі де Тарзан-ды,
(Білдік қой шынымен бағаңды!).
Ауладан алысқа қуатын,
Жат пиғыл, сұм ниет адамды.