Өлеңдер ✍️

Кел, жылым,
Ырыс алып кең далама,
Бақыт алып,
Қызыма, бел балама.
Қазақ деген
Қонақжай ел боламыз,
Басқа жұрттан
Бізді сен кем санама!
Кел, жылым,
Ырыздықпен,
сабырыңмен,
Шуағыңмен,
Төріме оз,
Бар нұрыңмен!
Əр таңымыз
Арайлап атсын деген,
Ақ тілеулі, ақ жарқын,
Ақының мен!
Кел, жылым,
Бораныңмен, дауылыңмен,
Шыдас берер сыныңа
Тауұлымын!

Аспанымды қара бұлт торламасын,
Шайып өткін бəрін де жауыныңмен.
Кел, жылым,
Бастауы боп берекенің,
Білмейік біз
Дағдарыстың не екенін.
Далам!
Қалам!
Қызыр қонған Отаным,
Танытсын кең əлемге
Ел екенін.
Бастауы болғайсың бар берекенің!
Кел, жылым!