Өлеңдер ✍️

Кəусар жағасы құлпырған бояу,
Бəрі ұйқыда, сен ғана ояу.
Сағыныш самалы тербелді баяу
Мұстафа, саған қалай жетемін?!
Аспанның асты айналды бүгін
Қылышы жырдың қайралды бүгін.
Көңілім дауыл, ойран-ды бүгін,
Мұстафа, саған қалай жетемін?!
Ғашықтық оты қақтады бүгін,
Жарылды жердің шакпағы бүгін.
Жұлдызым неге ақпады бүгін
Мұстафа,саған қалай жетемін?!
Жеріме түстім күрсініп қана,
Қайта құралдым, мың сынып жаңа.
Өксік-өкініш тіршілік тола,
Мұстафа, саған қалай жетемін?!