Аз-аздан істесеңіз де, үнемі сол әрекетіңізді жетілдіріп отырыңыз.
Марғұлан Сейсембай

Бір істі бастап, аяғына дейін жеткізбей, орта жолдан тастап кеткендердің көпшілігінің басты қателігі - олар бәрін жылдам әрі көп істеуге тырысады. Егер мақсатыңызға жеткіңіз келсе, аз-аздан, бірақ күнделікті әрекет етіңіз.

Ағылшын тілін үйренгіңіз келе ме? Күн сайын 1 сөзден жаттаңыз, қайда асығасыз? Сонда бір жылда кемінде 360 сөз білетін боласыз.

Мүсініңіз сымбатты болғанын қалайсыз ба? Күнде аз-аздан жаттығу жасаңыз. Тоқтамай, ақырындап алға жылжи беріңіз.

Сатуды үйренгіңіз келе ме? Күнде жаттығыңыз, "жоқ" деген жауапты қабылдап үйреніңіз, сонда кез келген қиындыққа төтеп беретін боласыз.

Жаңа сатып алушыларға телефон соғуға, олармен кездесуден қорқасыз ба? Күнде телефон соғыңыз, кездесіңіз.