Өлеңдер ✍️

Таң қалады өзі де...
Қалампырдың үш талы
Түсе қалса көзіне...
Ортадағы тек бірі
Солар емес әлі күн...
Жайып бейне жатқандай
Құрғақ суға тамырын...
Кеште еді ғой бұл өзі
Туған күнін тойлаған,
Жолдастары түр-түрлі
Талай букет сыйлаған.
Мына біреу гүлдерді
Ұсынғанда жан досы,
Көздің жауын алардай
Әсем еді жайнаған.
Ең бір ғажап жері енді
Бұ қызықтың мынада:
Солды екеуі күн өтпей
Одан артық тұра ма!
Ортадағы тек бірі
Солар емес әлі күн...
Өтті апта, қос апта
О ғаламат, сұрама!
Таң қалады өзі де...
Қалампырдың үш талы
Түсе қалса көзіне...
Семіп қалған қос талды
Судан алып тастады ол,
Сүйе берді ал біреуін
Жан жүрегі езіле!