Өлеңдер ✍️

Өмірде күн кешкем жоқ алыспастан,
Кезім көп бірақ менің шалыс басқан.
Басынан не өтпейді бұ пенденің,
Онымның өзі де бір ғарыш-дастан.
Білемін,талай жерде қателестім,
Алайда,тәтті өмірге жат емеспін.
Сүюге,махаббатқа жаным іңкәр,
Топас бір қуыс кеуде жан емеспін.
Тағдырмен бақыт үшін жағаластым,
Әрине, кей күндері жаза бастым.
Сыр – теңіз,тауысайын қайсыбірін,
Сірә да оны түгел жаза алмаспын.
Жеткізбей сағымдай боп арман-алып,
Өкінген сәттерім де болғаны анық.
Десе де мен ешқашан мойымадым,
Жасықтық деген,шіркін,жолда қалып!