Өлеңдер ✍️
Өлеңдер ✍️
10.08.2022
101
Теңіз жақтан соққан самал
Теңіз жақтан соққан самал
Тітірентіп төсімді,
Көптен күткен көктем-жамал
Көңілімді өсірді.
Көкірегім сайрап бұлбұл,
Жан сарайым кеңіді.
Жарқын жүзім жайнап бал-бұл,
Жан жүрегім еріді.
Бейне масаң бұла ғашық,
Теңселемін,тербеліп.
Құсша самғап,құрақ ұшып,
Жасағым кеп еркелік.
Дала қандай,ауа қандай!
Өмір қандай ғажайып!
Қыс кірбіңі тарағандай,
Ашу бұлты азайып.
Әлеуметтік желілерде бөлісіңіз:
Facebook | VK | WhatsApp | Telegram | Twitter