Өлеңдер ✍️

Кезім жоқ бұл өмірде бопсалаған,
Жігітпін барға көңіл тоқ санаған.
Жайсаңға жанның сырын жайып салам,
Аянып көрген емен жақсы адамнан.
Кей кімдер мұны , бәлкім, түсінбейді,
Ондайға өр көңілім кішірмейді.
Жаралған мәрмәр тастай мәртті жаным,
Қайтадан боркемік боп пішілмейді.
Қалармын мұзарт шыңдай осы қалпым,
Ерітер жан-жүректі досым жарқын.
Ақкөңіл, арамза емес, адал жанға
Әрдайым құдірет санап бас ұрармын.