Өлеңдер ✍️

Жүрегім менің, сабала,
Жүрегім менің, сабала.
Жартасты соққан жас толқын
Жаныңа сенің жаға ма?
Үдеген дауыл далада,
Үздіге келдім жағаға.
Үрейлі сұрқы теңіздің
Үркітіп тегі баға ма?
Шаңқылдай ұшып шағала,
Шарықтай қиқу қаға ма?
Шабытсыз қалай жүрсің деп,
Шамдантып мін де таға ма?
Түнеріп қара көкте бұлт,
Түйіле қарар кектеніп.
Тымырсып қалай қаларсың
Тұрғанда жүрек өртеніп?!
Алай да дүлей күй кештім,
Айдынмен асау үйлестім.
Арқамды менің қодырар

Теңізді қалай сүймеспін?!