Өлеңдер ✍️

Боздайды бота,
Десеңші неге боздайды?
Тірлігі осы, апырай, ала жаздайғы.
Жанына барсаң жәудіреп тана көздері,
Иіскелеп әбден, өліп бір кете жаздайды.
Боздайды бота,
Ұғады мұндай сазды кім?
Әуені оның әуезді сондай, назды тым.
Енесін іздеп егіліп, бәлкім, жүр ме екен,
Жанына маза бермей ме,әлде, жазғы күн?
Боздайды бота...
Боздайды неге?
Кім білген?
Шырқырап өзі кетеді кейде тым мүлдем.
Бұ-дағы бейне күй сынды екен шертілген,
Боздайды бота,
Боздайды сазды мұңлы үнмен...
Боздаумен жүрген боз бота сырын кім білген?..