Өлеңдер ✍️

Еркін өскен, ерке өскен дала ұлына
Қай мінезін танытпақ қала мына?
Аңсыз келе жатқанда аңғал көңіл
Қандені де жармасып балағыңа.
Сөйлейтұғын ой жоқ-ты кінә тауып,
Алдан шыққан, өзді-өзі , міне, қауіп:
Тайыншадай тоқмейіл мына дәу ит,
Тайсақтасаң, сыңайы алар қауып.
Мына қала кеткен бе итке толып,
Баратқандай бәтшағар битше өріп.
Былғайтұғын болды ғой елдің ішін
Бұралқы ит пен мысықтар өсіп-өніп.
Үрсе келіп біреуі шабаланып,
Кейбіреуі арс етіп қабары анық.
Қабағыңды қатайтсаң сұс танытып,
Зытып кетер құйрығын жымып алып.
Бұзылады соған да көңіл күйің,
Ырылдасқан тегінде өмір қиын.
Ымырасыз барады күндер өтіп,
Тіл ұшына оралып небір түйін...