Өлеңдер ✍️
  08.08.2022
  131

Автор: Балта Қосбармақ

Туған жер

Қисайсам егер –
Көрпе ғып,
Көк шалғыныңды төседің.
Өзіңе етем еркелік,
Өзіңе қарап өсемін.
Қақаған қыста жамылдым
Тон етіп аппақ қарыңды.
Ақ жаңбырыңа шомылдым,
Тазартып шаңнан жанымды.
Биікке ұмтылсам,
Қол созам
Өзіңнің заңғар көгіңе.
Содан да болар,
Басқадан
Артықтау көрем сені мен.
Кезімде шаршап-шалдыққан
Тауыңа арқа сүйедім.
Сондықтан болар,
Сондықтан
Мен сені мәңгі сүйемін!


  туған жер жер Балта Қосбармақ Балта Қосбармақ өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Маңқыстау ᐈ
  Маңқыстауым!.. ᐈ
  Тұрышым менің! ᐈ
  Менің байтақ Сам құмым!.. ᐈ
  Далам менің ᐈ

Пікір жазу