Өлеңдер ✍️
  01.08.2022
  101

Автор: Айсырға Қилыбаева

ЖҰЛДЫЗДАРМЕН ТІЛДЕСЕМ

Қоңырқай кештің самалы
Шашымды желпіп, тарады.
Қанатында ұшқан құстардың
Арманым кетіп барады.
Жалғыздық жанды жауратып,
Қариды мұзға аунатып.
Тіміскілейді ұры түн,
Зығырданымды қайнатып.
Шыдамның шегі шертілді,
Жігердің жүзі кертілді.
Өлеңмен күреп шығарам
Іштегі жалын, өртімді.
Жұлдыздарменен тілдесіп,
Жеткіздім сырды Айға да.
Үңіліп тұрып бетіме ол,
Кірпігін қақты жай ғана.


  Жұлдыздар тілдесу Айсырға Қилыбаева өлеңдері Айсырға Қилыбаева

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Қан қайнаған жүректен жыр тасиды... ᐈ
  ОТ ᐈ
  ТӨҢІРЕККЕ БІРДЕЙ КӨЗБЕН ҚАРАМА ᐈ
  Жарамсақ сөздер мезі етті... ᐈ
  ЖҮРЕККЕ ӘЖІМ ТҮСПЕЙДІ ᐈ

Пікір жазу