Өлеңдер ✍️

Бақытты елдің паш еткен еркіндігін,
Таң шолпандай жаратты көркіңді кім!?
Ұя салған самұрық бәйтерегім,
Астананың төрінде желпін бүгін!
Қайырмасы:
Есіл өзен есіліп тербеткенім,
Елжіреді көркіңе жер- көктегің,
Шуақ болып шашылды өрнектерің,
О, бәйтерегім!
Арман- ғұмыр шындыққа айналғанда,
Ұлы дала думаны тойланғанда,
Мәңгі елдің тектілік тұмары боп,
Тағылдың ба жұлдыз бен Айдан дара!
Қайырмасы
Жәдігерім оралған ертегіден,
Қиял- қанат беретін желкенім –сен,
Барыс сынды жерімнің жан- жүрегін,
Сары арқаның күйі етіп шертетін –сен!
Қайырмасы