Өлеңдер ✍️

Жаратқан жаным –әке,
Жүректе қаным –әке,
Ар туым, ардағым –сен,
Жалғызым, барым әке.
Қайырмасы:
Әкешім, әкетайым,
Ақ көкем, жәкетайым!
Жаныма шуақ сепкен,
Күндіз –күн, түнде –Айым! Әкетайым!
Сөзіңнен жидым сана,
Қауыздан шыға сала,
Сен үшін елден ерек,
Мен болдым дана бала.
Қайырмасы
Қымбаттым, қасиеттім!
Жатталды өсиетің,
Мен сенің жас шағыңмын,
Кием сен бас иетін.
Қайырмасы
Аялап өсіргенім,
Қатемді кешіргенім,
Сәт сайын жарқын жүзің,
Жаңғырар есімде мың.
Қайырмасы