Өлеңдер ✍️

Еркесімін апамның,
Еркесімін атамның,
Бармақ бала болсам да,
Балдай бала атандым.
Кітап- дәптер ашсам да,
Көтереді аспанға,
Мені қатты сөкпейді,
Ойыншықты шашсам да.
Еркетайым, еркем деп,
Елден ерек көркем деп,
Апам мені айтады,
Ай- жұлдыздан келген деп.
Еркетайым, еркем деп,
Өміріме желкен деп,
Атам мені айтады,
Самұрық құс берген деп.
Жүре бермей еркелеп,
Есейсем- ау ертерек,
Жасар едім барлығын,
Біздің үйге не керек