Өлеңдер ✍️

Ұлылық бардай,
Шөккен бір қара нардай,
Қызығам тауларға,
Кіршіксіз ардай,
Табынтып, аласармай,
Жүректі жаулар ма?
Қайырмасы:

Рауандап таңым атып келеді,
Маған бақ –көгілдір нұр себеді.
Анамның тілегіндей аяулы,
Көгілдір, нұр сәулеңмен жебеші.
Тауларым кимешекті анамдай,
Таңдарым таусыз атпас ағармай.
Көгілдір көзін ашқан тіршілік –
Қызырлы бақытымдай,
О, Алла-ай, арман-ай!
Тербеліп сезім,
Маужырап жұмар көзін,
Тіршілік құндақта.
Кешегі кешің.
Тынымсыз күн-түн, бесін,
Тыншығар бұл шақта.
Қайырмасы