Өлеңдер ✍️

Сұмдық-ай, тіршіліктің сұмдығын-ай,
Сұмдықпен неге ойнайсың, жынды құдай!?
Кімдерді адал етіп елден асқан,
Мына елдің даналарға құлдығын-ай!
Адалдықпен неге ұрдың, Кімді, Құдай?!
Жаз көңілді сырғытып бұрқасынға,
Сиқыр сағым жастықтың тұр қасында!
Аяз-тағдыр сыйлайсың от-жүрекке,
Қасиеттің қашан да Сор қасында!
Бұл неткенің? Арсыздан қорқасың ба?!
Асылдарды жасырдың тереңіңе,
Шаттық бердің көр кеуде кереңіңе!..
Мұңайтасың іздетіп Кімді Кімге,
Қосылмаса аңсаған жүрегіне,
Асыл болып туудың керегі не?!