Өлеңдер ✍️

Арайлы мынау ғаламда,
Жер ортақ барлық адамға.
Тіршілік керек, тіршілік
оған да, саған, маған да.
Қуармасын бір шілік.
Бір үйге түсіп бір келін,
Ақындар іздеп жыр кенін,
Думанды, шалқар көңілмен
Жарқылдай күліп
жүргенің –
Бейбіт күннен өрілген.
Өрт түссе орман жылайды,
Сұм соғыс кімге ұнайды?!
Бейбіт күн, сенің арқаңда,
Сүйеміз гүлді, Күн, Айды.
Тыныштық керек әр таңға.
Ядролық бомба жарылып,
Жер-ана отқа қарылып,
Адамзат азапталмасын,
Өлмесін өмір, бар үміт.
Көгершін қанат самғасын!
***
Маңғыстауда пір Бекет,
Түркістанда Қожа Ахмет,
Қазығұрт, Сайрам, Отырар,
Еліме тағзым! Қабыл ет!