Өлеңдер ✍️

Жерім үшін төгілмеген қан бар ма,
Тілім үшін егілмеген жан бар ма?
Дін мен тілін бермей кеткен бабалар
Көк қанжары жалақтаған жоңғарға,
Өз билігің өз қолыңа тигенде
Өз тіліңнен айырылар жөн бар ма,
Жоғалмайды ана тілім мен барда,
Жоғалмайды ана тілім сен барда!
Тілім барда күнім де бар, айым бар
Тілім барда иманым бар, ойым бар,
Төрт құбылам түгел менің тіл барда
Түн ұйқымды төрт бөлмейді уайымдар,
Тіл білмейтін, тіл алмайтын тентектер
Тілімізге тиіскенді қойыңдар!