Өлеңдер ✍️

Қаһарман жырым
Атамнан қалған қазынам,
Қамыққан кезде
Оралып саған жазылам,
Оңаша қалып
Өзіңмен бірге
Ой-теңіз кешкен сәттерім
Мың есе артық
Жаһанның даңғазаларынан!
Батырлар жыры
Тарихтың қайнар бастауы,
Тағдырын елдің
Толғаған терең астары,
Аруағы биік,
Айдыны шалқар,
Ақылы кеткен алысқа,
Құнары тілдің
Шырағы ділдің
Шынайы жырдың асқары...
Иманды жаны
Атаның қаны бар адам
Мүмкін бе сені
Басқаға айырбастауы?!