Өлеңдер ✍️

Ойлап тұрсам, бар тағы
Таптырмайтын тақырып,
Тәнім жерге тартады,
Жаным көкке шақырып.
Бала күнді аңсаймын,
Тіршілікке мен алаң,
Ұйықтап жатып шаршаймын,
Тұрып жүріп демалам.
Жазда шалқып ағатын
Су да қыста қатады.
Санағандай сағатын
Ғұмыр өтіп жатады.
Тәнім қуат алар ма
Жиып-терген бар малдан,
Жаным тұрақ табар ма
Айнымашыл жалғаннан?!
Кесірінен кесектің,
Көздеп атқан тасадан,
Құрығынан өсектің
Сақтай көрші,
Жасаған!