Өлеңдер ✍️
  14.07.2022
  119

Автор: Ақылбек Шаяхмет

Кісі қайтса елемейтін кез емес...

Кісі қайтса елемейтін кез емес,
Құран оқу мал табудың көзі емес.
Айтылған сөз қара бастың қамы үшін,
Молда айтса да, шариғаттың сөзі емес.
Күмбез салған әруақтарды қадірлеп,
Өз ісіне уақытша семірмек.
Жермен-жексен болып жатқан бабасы
Басқаларды алмайды ма жәбірлеп?!
Тірі адамдар не іздейді моладан,
Айыға ма тағдыр салған жарадан?
Өлгендерге қажеті жоқ түктің де,
Жалғыз ғана дәме қылар дұғадан.


  елемеу Ақылбек ШАЯХМЕТ өлеңдері Ақылбек Шаяхмет

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  «Көл беретін несібені тауыса алман!» – ᐈ
  Ораза айы. Ауыз берік тағы да... ᐈ
  Жүрген жерің бұдыр ма, әлде тегіс пе... ᐈ
  Орман еді пәленшенің атында... ᐈ
  Ымырт түсті, тағы да қас байланды... ᐈ

Пікір жазу