Өлеңдер ✍️

Төңірегім толған сұрақ коршаған,
Қиын, қиын жауап айту шегелеп.
Мазалайды мені ылғи да сан сауал:
Неге,
неге,
неге??? – деп.
Тіршіліктің жұмбағы көп, дау бар ма,
Адам кейде отқа ұшатын көбелек.
Қайталайды сол сұрақты таулар да:
Неге,
неге,
неге??? – деп.
Сырды ашпақ боп құпиясын жасырған
Ойлар, ойлар... миды талай кемірмек.
Кенет біреу тіл қатады тосыннан:
Өмір,
өмір,
өмір!!! – деп.
Сайран салсаң жастық шақтың бағында
Өне бойың қалар бір сәт жеңілдеп.
Қайталайды сонда санам тағы да:
Өмір,
өмір,
өмір!!! – деп.