Өлеңдер ✍️

Алла сөзін пайғамбарға жеткізген,
Әмірлерін бұлжытпастан өткізген –
Жебірейіл періште.
Табиғаттың үйлестірген міндетін,
Нығайтатын түрлі жанның құрметін,
Ол – Мекайыл періште.
Хақ бұйрыққа бағындырып қауымды,
Қияметте әкелетін дауылды –
Исрафил періште.
Күні бітіп, келген кезде енді өлім,
Жалынса да жанын алар пенденің –
Әзірейіл періште.
Төртеу түгел болса
Сабыр –
Алланың сүйген құлына,
Қадір –
Қазақтың қайсар ұлына,
Сенім –
Даланың көркем қызына,
Тағылым –
Жүректен шыққан жырыма.