Өлеңдер ✍️

Қазақ əлі сүйенген құлағына,
Надандықтың қалмаған ылаңы ма?
Кім жетісер, кітаптан көзін алмай,
Толық қанбай білімнің бұлағына?!
«Əлəулəймен» əлі əуес қайран бауыр,
Жаман қисын, жадау сөз – болған жауыр.
«Үлкен айтыс», «Бала айтыс», «Шал айтыстар»
Сөз қадірін жей қойды əжептəуір.
Абай, Гете, Шекспир, Байрон, Пушкин –
Пайдаланбас бұл күнде қайырын ешкім.
Қайырылмайтын боп алдық қарындасқа,
«Қайран қойым» деп жүріп, «қайран ешкім».