Өлеңдер ✍️
  11.07.2022
  74

Автор: Ғафу Қайырбеков

Дүние дүрмегінен

Дүние дүрмегінен
Адасып қалған шақта,
Өтетін жүрегіңнен
Бір жол бар – аман сақта.
Жалғыздық өкпегінен
Жанды алып қалатын сол,
Əмəнда төте жүрген
Абайға баратын жол.
Өлеңге баратын жол
Кезікпей құса-мұңға.
Кіргендей болатын жол
Əкенің құшағына.
Сонда сен ұғасың бір
Құшақтап бұл екеуін,
Өлеңнің кім екенін,
Əкеңнің кім екенін.
Ұғасың кісілікті –
Өмірдің күшін мықты.
Есіңе сақтағайсың
Ақыным бұл шындықты..


  дүние Дүрмек Ғафу Қайырбеков Ғафу Қайырбеков өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Ай бір күміс ақ табақ... ᐈ
  Маржандай асыл сөзді айға айтушы ем... ᐈ
  Өлеңді жазбай кеткен көптен бергі ᐈ
  Ойлай, бойлай өмірді... ᐈ
  Уақыт ᐈ

Пікір жазу