Өлеңдер ✍️
  17.06.2022
  142

Автор: Серік Жетпісқалиев

Сенен басқа ой қалмай санамда түк...

Сенен басқа ой қалмай санамда түк,
Самолеттер дыбысы алаңдатып.
Ұйықтамадым,
Қызғаныш мазамды алып,
Түрткілейді, найзасын жалаңдатып.
Ашық қалған терезе саңылауы,
Әлсін-әлсін дем үрлеп жағынады.
Барған сайын тынысым тарылады,
Атар емес Құдайдың таңы да әлі.
Бұл қызғаныш кімдерді қинамаған,
Кімге қайғы, кімге мұң силамаған.
…Қалай ғана шашылған сансыз ойды,
“Сенім” деген бір сөзге жинамағам?!


  ой сана Серік Жетпісқалиев өлеңдері Серік Жетпісқалиев

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  Түсімде сені қызғанып жатыр екенмін... ᐈ
  Ит қызғаныш кеудемде қаңсылады... ᐈ
  А-ға ᐈ
  СЕН АМАН ЖҮРГЕНДЕ ᐈ
  АҚ ҚАЙЫҢДАР ᐈ

Пікір жазу