Өлеңдер ✍️

Көгілдірім,
Мен тек қана сенімен өмірлімін,
Бермес маған ешкімде төрін бүгін…
Қарап тұрып қабырғам қайысады,
Менен гөрі ауырлау сенің жүгің.
Бірақ ертең алармын үлесімді,
Қиналамын, төзімің түгесілді…
“Ертең” – деумен келемін әлі күнге,
Жалғауменен келемін күресімді!
…Сонда-дағы сен менің ертеңіме,
Арманыма ақ таңдай, ертегіме.
Ақылдым сол, жалт ет те кешірім бер,
Мың ішінен таңдаған тентегіңе!
Сенші менің қалтқысыз ертеңіме!..