Өлеңдер ✍️
  14.06.2022
  84

Автор: Сұраған Рахметұлы

Бұрыс қарап жүрсем де

Бұрыс қарап жүрсем де
Дұрыс деймін.
Көрінбейді бір түйір күріштей
Мін.
Құс жолында құлын жыр
Құйғытады.
Кештің мөлдір кірпігі
Күмістей мұң.
Ат тұяғын айланып
Ұшқан жұлдыз.
Айдың жүзін аймалап
Құшқан күндіз.
Бура шыңның ақ жолақ
Шудасына, Бәдіз қонды баяғы Тышқан Жылғы із...
Осы ендікте мәңгілік
Қаңғырсақ та.
Бір керемет күй шалқып
Жан құрсақта.
Бізге дұрыс әуенді
Үйретеді,
Үйректердің үнінен ән
Бұршақтап.


  Бұрыс Сұраған Рахметұлы өлеңдері Сұраған Рахметұлы

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Бей бұлдырық, жел құсы... ᐈ
  Атырап тылсым... ᐈ
  Шырақтары ұдай. ᐈ
  Ой түбінде күбірлеп... Жынды қисын... ᐈ
  ТАҢ – ӨЛІАРА ᐈ

Пікір жазу