Өлеңдер ✍️
  13.06.2022
  115

Автор: Ұлықбек Есдәулет

АЙВАЗОВСКИЙ. ТОҒЫЗЫНШЫ ВАЛ

Ей, Айвазовскийдің теңізі!
Жуастан шыққан жуансың-ау, негізі?
Қаныңды сенің қайнатқан анау,
аспанның болар лебізі?
Екіленген елірген,
екі иығын кемірген,
ерейменге айналдың
ерегесіп тәңірмен.
Көкке шапшып кектенген,
көкдүлей боп кеткенмен,
еркіндігің сенің де
жағалаумен шектелген.
Араныңды ашқанмен,
ақ көбігің шашқанмен,
азаттығың ешқашан
астаспайды аспанмен!
Ей, Айвазовскийдің теңізі!..


  АЙВАЗОВСКИЙ 9 вал Ұлықбек Есдәулетов өлеңдері Ұлықбек Есдәулетов

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  АЯМЕЙІЗ ᐈ
  УЫҚ ᐈ
  ҚАР ᐈ
  АҚЫН ДЕГЕН БІР ҰЛТ БАР ᐈ
  БІЗ ӨТКЕНДЕ... ᐈ

Пікір жазу