Өлеңдер ✍️
  06.06.2022
  114

Автор: Жарылқасын Аманұлы

КІЛ МАРЖАН КӨККЕ СЕБЕЛЕП

Кіл маржан көкке себелеп,
Сүмбіл түн шым-шым жетті де.
Үкідей үлпек ебелек,
Бұйықты шыққа бөкті де.
Теңіз де тентек бұлқынбай,
Жай ғана жарды құшады.
Сылқ түсті орман сылқымдай,
Сыңсытып түннің құшағы.
Бозамық нұрға малынған,
Манаурап жатыр боз белең.
Ақ шәлі басқа жамылған,
Найза шың назды өзгеден.
Шеттікті торғын бетінен,
Үзілген күміс танадай.
Көз жетпес күмбез төсінен,
Сырғанап кетіп барады Ай.


  Маржан себелеу Жарылқасын Аманұлы өлеңдері Жарылқасын Аманұлы

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  ҚАПТАҒАН, ҚАЙДА БАРСАМ, ҚАРА ХАЛЫҚ ᐈ
  БІРЕУДІҢ МЕН ДЕ СЕНДЕЙ БАЛҚАЙМАҒЫ ᐈ
  ҚАРЫМА ТАЛДАН ҚҰРЫҚ ІЛМЕДІМ БЕ ᐈ
  СОНАУ БІР, СОНАУ КЕЛЕР ЗАМАНДАРДА ᐈ
  ЖАС ТАМАДЫ ЖАНАРДАН ᐈ

Пікір жазу