Өлеңдер ✍️

Ой мен қырды шарлаған кезбе көңіл
Істегісі келеді өз дегенін.
Ойлағаның алайда, бола бермес,
Мүлт кетеді көбіне көздегенің.
Үміт етіп қол жетпес айдан көңіл,
Ғарышта да құрасың сайран, көңіл,
Құл қыласың адамды, қайран, көңіл,
Болмаса да көк тиын пайдаң, көңіл.
Күтіп тұрған бақ па, əлде сор ма, көңіл,
Көзге түскің келеді, жорға-көңіл.
Тізгінді тарт.
Құлақ сал ақыл-қартқа,
Бүйте берсең жығарсың орға, көңіл.