Әңгімелер ✍️

Қонақтарға шай беріп, көңілдерін аулап отырған кемпір:

– Бізде өзі ондай-ондай болып тұрады. Жақында... – деп, Тәйтіктің тарихын қозғай бергенде, есіктен жылтың етіп Жылтыңқара кіріп келді.

– Әже, Маржан тәтей табылды! Сопақбастың үйінде.

– Бәтір-ау, онда неғып жүр? Ата-анасының келгенін естімеген-ау ай- налайын. Кәнсерттері бітті ме екен?

– Қайдағы концерт? – деді бала. – Бықпырт ағам екеуі ауданға барып, суретке түсіп келіпті, бүгін той болады.

– Көтек, не дейді?.. – Кемпір қолындағы кесесін түсіріп алды. Қонақ- тар атып тұрды.

– Милиция қайда?..

Жылтыңқараны жұмсап, есіктің сыртында тұрған Мешін кіріп келді.

– Сабыр етіңіздер, мен өзім барып, біліп келейін. Ашу үстінде қате кетіп жүрер, – деп басу айтты...