Өлеңдер ✍️

Баға беріп сыртынан, жүрміз бе əлде бас ұрып,
Биіктікті қөре алмай, аласаны асырып.
Бір көргенде құмартып, шаңжұқтырмас «періштең»
Шайтан болып шығады, екі айналып көріссең.
Бір көргенде - қуаныш, қайта айналсаң - уайым,
Қуыршақ боп шығады, əлгі көрген «құдайың».
Қолдағы асыл қадірсіз, айырбастап жасыққа,
Белгісізді тəңір деп табынуға асықпа.
Жалтақтаумен өзгеге шындық деген жүр семіп,
Өзіңе де бір сүйін, өзіңе де бір сеніп.