Өлеңдер ✍️

Мендей, сірә, туған жоқ тайқы мандай,
Алдағы күн жолдары қайқы қандай...
Өлермендей тырмысам өрге қарай,
Итереді сұм өмір көрге қарай,
Неге мұнша болғамын тайқы мандай?!
Алға басқан аяғым кері кетіп
Жатса-дағы, өмірге жерік етіп
Жаратқан соң,
тынбастан тырбанамын,
Аңсаймын да әлдиін ұл баланың,
Алайын деп жаныма серік етіп!
Тағдырымның толғағы беймәлімдеу,
Күпіршілік сонда да қинадың деу!
Көнбіс жүрек көнер-ау,
алдамшы арман
Аяғымды ылғи да алдан шалған,
Тағы шалса...
ұшады иманым, беу!
Мендей, сірә, жоқ шығар тайқы маңдай,
Сорбақ тағдыр соқпағы қайқы қандай...