Өлеңдер ✍️

Қуандырған.
Қыр асқан.
Қарайлатқан.
Кейбір сәтім көрінер
арайлы ақ таң.
Шабыт қысып
жыр төккен шақтарымда
Талай мақтау естідім
талай достан.
Тасасында қалғыппын
қолпаштаудың,
Қарастырмай шарасын
сан соқпаудың –
Мендей сүйген өлеңін
шайыр досқа
Көшірмесін айтқанда
сол мақтаудың...
Шоғын көсеп шырын сөз
сезімімнің,
Талай мәрте тым кештеу
Көз ілінді.
Мақтағаны
Өзгенің сондай жылы –
Өз бағаңды дегенмен,
өзің білгін.