Өлеңдер ✍️

Кірпігіме көркемдік қона қалып,
Сүйсінгендей сыр бердім.
Тоңдым, қала!
Жылытшы орап алып,
Мұзға айналып үлгердім.
Мұзға айналдым.
Жылуыңа шөліркеп,
Қатал неге қабағың?
...Мен секілді жылатты ма сені кеп,
Тұрғындары қаланың?
Сен де мендей, мұңды ма едің, Ақтөбе?
Мейірімге шөлдеген.
Тікенекке толып кетті бақ көне
Жаза алмадым.
Емдеп ем.
Құрғатамын көз жасыңды.
Күн болып,
Жұмақ төрсің мен үшін.
Көкейімнен төгіле бер, жыр болып,
Жетістігің – жеңісім.
Мен де сендей жалқы мұңның туысы,
Тағдырымыз бір арнаға құйып сыр.
Сенің әрбір тарауыңның тынысы,
Менің титтей жүрегіме сиып тұр.